Liber Paralipomenon Secundus*
Caput 4: Versus 2
Mare etiam.[RAB.]Lavacrum salutare, etc., usque ad et communem a Domino coronam justitiae sperare debet.Quinque cubitos habebat.Quia quidquid visu, auditu, olfactu, gustu, tactuve delinquimus, totum in baptismo relaxatur. Sed non sufficit praeteritorum remissio peccatorum, nisi quisque deinceps bonis operibus institerit. Alioquin diabolus qui exierat multiplicius redit, et fiunt hominis novissima pejora prioribus. Unde audit:Funiculus triginta cubitorum.Hoc est, disciplina coelestium praeceptorum, qua a nostris voluntatibus religamur, unde:Funiculus triplex difficile rumpitur[Eccle. 4.]; quia observantia mandatorum Dei in cordibus sanctorum, fide, spe et dilectione supernae retributionis firmata, nulla potest adversitate dissolvi.